Սեուլը, Փհենյանը, Վաշինգտոնը եւ Պեկինը պատրաստ են հայտարարելու Կորեական պատերազմի ավարտի մասին. Մուն Չժե Ին

Կորեայի Հանրապետությունը, ԿԺԴՀ-ն, ԱՄՆ-ը եւ Չինաստանը ամբողջությամբ վերցված պատրաստ են պաշտոնապես հայտարարելու Կորեական պատերամզմի (1950 – 1953) ավարտի մասին: Այդ մասին հայտարարել Է Հարավային Կորեայի նախագահ Մուն Չժե Ինը՝ դեկտեմբերի 13-ին մամուլի ասուլիսում պատասխանելով լրագրողների հարցերին, որը նվիրված Էր Ավստրալիայի վարչապետ Սքոտ Մորիսոնի հետ կայացած բանակցությունների արդյունքներին:

«Ավստրալիան շատ հետեւողականորեն պաշտպանել Է Կորեական թերակղզում հաշտության գործընթացի (կարգավորումը): Մենք Ավստրալիային շնորհակալություն ենք հայտնում դրա համար: Ավստրալիան նաեւ պաշտպանել Է Հարավային Կորեայի կառավարության եւ մյուս կողմերի առաջարկությունը պատերազմի ավարտ հայտարարելու մասին: Խոսքը վերաբերում Է ԱՄՆ-ին, Չինաստանին, Կորեայի Հանրապետությանը եւ ԿԺԴՀ-ին: Եվ ես կարծում եմ, որ սկզբունքորեն բոլորը համաձայն են (պատերազմի ավարտի) հռչակագրին»,- ասել Է նախագահը, որի խոսքը բերված Է Ավստրալիայի կառավարության կայքում:

Նրա խոսքով՝ առայժմ կողմերը չեն կարողանում նստել բանակցությունների սեղանի շուրջը Փհենյանի դիրքորոշման պատճառով, որն ԱՄՆ-ի քաղաքականությունն ընդունում Է թշնամաբար: Մուն Չժե Ինը սեպտեմբերի վերջին ՄԱԿ-ի Գլխավոր ասամբլեայի ամբիոնից կոչ Է արել շուտափույթ վերսկսելու երկխոսությունը ԿԺԴՀ-ի եւ Կորեայի Հանրապետության միջեւ, ինչպես նաեւ Վաշինգտոնի եւ Փհենյանի միջեւ: Նախագահը վերստին արտահայտվել Է այն հռչակագրի պատրաստման օգտնին, որը կազդարարաի Կորեական թերակզում պատերազմի ավարտը: Կորեական թերակղզում մարտական գործողություններն սկսվել են 1950 թվականի հունիսի 25-ին եւ ավարտվել 1953 թվականի հուիսի 27-ին: 17 պետությունների կոալիցիան՝ ԱՄՆ-ի գլխավորությամբ պատերազմել Է Հարավային Կորեայի կողմից ԿԺԴՀ-ի դեմ, որին օգնել են Չինաստանը եւ Խորհրդային Միությունը:

Մարտական գործողություններն ավարտվել են զլինադադարի շուրջը համաձայնագրի ստորագրմամբ՝ Հյուսիսի եւ Հարավի միջեւ ապառազմականացված գոտու Փանմունջոմ սահմանային կետում: Պաշտոնապես պատերազմը մինչ օրս դադարեցված չԷ, քանի որ լիարժեք հաշտության պայմանագիր մինչեւ հիմա չի ստորագրվել, հաղորդել Է ՏԱՍՍ-ը: