Մխիթարյանը շնորհակալություն է հայտնել Արցախի խնդրին անդրադարձած իտալացի սենատորին
Իտալական «Ռոմայի» և Հայաստանի ազգային հավաքականի կիսապաշտպան Հենրիխ Մխիթարյանը Ֆեյսբուքի իր պաշտոնական էջում շնորհակալություն է հայտնել իտալացի սենատոր, «Լեգա» կուսակցության առաջնորդ Մատեո Սալվինիին, որը հոկտեմբերի 13-ին Իտալիայի հայ համայնքի հետ դուրս էր եկել բողոքի ցույցի՝ ի աջակցություն Հայաստանի և Արցախի:
«Շնորհակալություն սենատոր Սալվինիին, որն իր ձայնն է բարձրացրել հանուն արդարության և Արցախի ժողովրդի կյանքի իրավունքի»,- գրել է Մխիթարյանը:
«Չպետք է մոռանանք այն տառապանքներն ու ավերածությունը, որն ապրում է մեզ մտերիմ ժողովուրդը, և որի մասին շատ քիչ է խոսվում: Այսօր Հռոմում ես իմ և Լեգայի աջակցությունն եմ հայտնում հայերի գոյության և խաղաղության իրավունքին: Նրանք առաջինը զգացին ցեղասպանության սարսափը և այժմ հետապնդվում են Լեռնային Ղարաբաղում: Եթե ԵՄ-ն իմաստ ունի, պաշտպանեք այս եղբայրներին՝ Մերձավոր Արևելքում և Կովկասում եվրոպական քաղաքակրթության ֆորպոստին»,- ավելի վաղ հայտարարել էր Սալվինին:
Կարծիքներ