Միքայել Մինասյանը տգե՞տ է, թե միտումնավոր փաստերը խեղաթյուրող
Քիչ առաջ տելեգրամյան ալիքներից մեկը հրապարակեց փաստաթուղթը, որի մասին այսօր կառավարության նիստի ժամանակ ասել էր վարչապետ Նիկոլ Փաշինյանը:
Փաստաթուղթն ապացուցեց, որ Սերժ Սարգսյանի փեսա Միքայել Մինասյանի տարածած տեղեկատվությունը, որ Հայաստանը պատրաստվում է իր սուվերեն տարածքից 7 գյուղ զիջել, ինչպես նաև Ադրբեջանին Մեղրիով միջանցք տրամադրել, բացահայտ ապատեղեկատվություն է: Ընդդիմությունը հավատարիմ մնալով իր ձեռագրին՝ վախ ու տագնապ տարածեց՝ փորձելով մոլորության մեջ գցել ժողովրդին: Փաստաթղթում ոչ մի խոսք ոչ գյուղեր զիջելու, ոչ միջանցք տրամադրելու մասին չկա: Հայաստանն ու Ադրբեջանը Ռուսաստանի միջնորդությամբ եկել են համաձայնության՝ ստեղծել սահմաննների ճշգրտման հարցը քննարկող հանձնաժողով: Հարկ է նշել նաև, որ փաստաթղթում հստակ ամրագրված է՝ հանձնաժողովի աշխատանքներն իրակաացվելու են բացառապես դիվանագիտական ճանապարհով: Տեղեկացնենք, որ ՀՀ Սահմանադրության 205 հոդվածի առաջին կետով ամրագրված է. «Վերպետական միջազգային կազմակերպություններին Հայաստանի Հանրապետության անդամակցության, ինչպես նաև Հայաստանի Հանրապետության տարածքի փոփոխությանը վերաբերող հարցերը լուծվում են հանրաքվեների միջոցով»: Ուստի, ոչ Կառավարությունը, ոչ ԱԺ-ն չունեն իրավասություն փոփոխություն կատարել ՀՀ սահմաններում՝ առանց հանրաքվե անցկացնելու: Ժողովրդին հակառակը համոզող ընդդիմությունը կամ տգետ է, կամ միտումնավոր ապատեղեկատվություն է տարածում:
«Ինչպես տեղեկացնում է փաստաթուղթը հրապարակած Info-Armenia Telegram-ալիք-ը՝ Հայաստանի կառավարությունը համաձայնել է ստորագրել այս փաստաթուղթը միայն այն բանից հետո, երբ ադրբեջանցի զինծառայողները կլքեն Հայաստանի տարածքը և փաստաթղթում խմբագրական մի քանի շտկումներ կարվեն: Info-Armenia-ի տեղեկություներով՝ սա փաստաթղթի նախնական տարբերակն է, հայկական կողմ առաջարկել է փոփոխություն անել դրա մեջ։
Փաստաթղթի բովանդակությունը՝ ստորև.
Մենք՝ Ադրբեջանի նախագահ Իլհամ Ալիևը, ՀՀ վարչապետ Նիկոլ Փաշինյանը եւ ՌԴ նախագահ Վլադիմիր Պուտինը հայտարարում են հետևյալի մասին.
- Տարածաշրջանում խաղաղության հաստատման և անվտանգության ապահովման գործընթացներում, որոնք իրականացվում են երեք երկրների ղեկավարների՝ 2020 թվականի նոյեմբերի 9-ի և 2021 թվականի հունվարի 11-ի հայտարարությունների հիման վրա, ստեղծվում է համատեղ դելիմիտացիայի հարցերով հանձնաժողով՝ Հայաստան Հանրապետության եւ Ադրբեջանի Հանրապետության միջև: Այս գործընթացին հաջորդելու է դեմարկացիաին:
- Ադրբեջանի և Հայաստանի կառավարությունները մինչեւ 2021 թվականի մայիսի 31-ը հանձնաժողովի շրջանակներում ստեղծելու են ազգային պատվիրակություններ:
- Ռուսաստանի Դաշնության կառավարությունը մինչեւ 2021 թվականի մայիսի 31-ը ստեղծելու է ազգային պատվիրակություն, որը հանձնաժողովի շրջանակներում խորհրդատվական աշխատանքներ կիրագործի:
- Պատվիրակությունները ղեկավարելու են Ադրբեջանի, Հայաստանի և ՌԴ-ի ազգային օրենսդրություններին համապատասխան լիազոր մարմինները:
- Հանձնաժողովը մինչև 2020 թվականի հունիսի 30-ը կանցկացնի իր առաջին նիստը, կձևավորվի հիմնական ուղղություններն ու աշխատանքի հերթականությունը, կհաստատեն փորձագիտական խմբերի կազմերը:
- Փորձագիտական խմբերը հանձնաժողովի առաջին նիստից հետո մեկ ամսվա ընթացքում կներկայացնեն միջոցառումների շարք:
- Բոլոր հարցերը, որոնք կապված են հանձնաժողովի աշխատանքների իրականացման հետ, իրականացվելու են միայն դիվանագիտական և քաղաքական ճանապարհով՝ եռակողմ համաձայնագրի հիման վրա:
Կարծիքներ