Ժորա Համազարյանը կմենամարտի Արսլան Մագոմեդովի հետ
Պրոֆեսիոնալ բռնցքամարտի WBO վարկածով աշխարհի երիտասարդական չեմպիոն, բռնցքամարտի Հայաստանի հավաքականի նախկին անդամ Ժորա Համազարյանը չի ծառայել հայոց բանակում, բայց պատերազմի առաջին օրերին ցանկացել է կամավորագրվել եւ մեկնել ռազմաճակատ: Զինկոմիսարիատում նրան թույլ չեն տվել մեկնել Արցախ: Պրոֆեսիոնալ բռնցքամարտիկը որոշել է մենամարտով ոգեւորել, աջակցել սահմանին կռվող զինվորներին՝ հաղթելով եւ հաղթանակը նվիրելով հայ զինվորներին:
Ժորա Համազարյանը 24 տարեկան է, ծնունդով Գյումրիից: Բնակվում է ԱՄՆ-ում: 6 տարեկանից զբաղվում է բռնցքամարտով: Եղել է Հայաստանի հավաքականի անդամ: 2015 թվականից հանդես է գալիս պրոֆեսիոնալ ռինգում: 2015 թվականի նոյեմբերի 13-ին երկրորդ մենամարտում նոկաուտով հաղթել է ադրբեջանցի Տուրալ Գարաշովին։ Դրանից հետո պայմանագիր է կնքել մոսկովյան Punch Boxing Promotion-ի հետ:
2016 թվականի փետրվարին Ռուսաստանում տեղի ունեցած մենամարտում գյումրեցի բռնցքամարտիկը նվաճել է WBO վարկածով մինչեւ 20 տարեկանների աշխարհի չեմպիոնի տիտղոսը:
Կարծիքներ