Բուրաստան գյուղի երեք տներում հրդեհ է բռնկվել
ՀՀ ԱԻՆ-ից հայտնում են, որ սեպտեմբերի 24-ին, ժամը 09։54-ին Արարատի մարզային ճգնաժամային կառավարման կենտրոն ահազանգ է ստացվել, որ Բուրաստան գյուղի Արտաշատյան խճուղու տներից մեկում հրդեհ է բռնկվել։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ և օպերատիվ խումբ։
Պարզվել է, որ հրդեհը բռնկվել է Արտաշատյան խճուղու երեք տներում։
Հրդեհը մեկուսացվել է ժամը 10։43-ին, մարվել՝ 10։58-ին։ Այրվել են երկու տների տանիքների փայտե կառուցատարրերը (ընդհանուր՝ 216 քմ), կենցաղային իրեր և մյուս տան բաց պատշգամբի տանիքի փայտե կառուցատարրերը՝ մասամբ (մոտ 12 քմ)։
Կարծիքներ