Սաակաշվիլիի մայրը ժամանել է Թբիլիսի
«Վերջին անգամ որդուս հետ խոսել եմ մի քանի օր առաջ և վստահ էի, որ նա Ուկրաինայում է», – ասել է Ալասանիան:
Նա նշել է, որ միայն որդու կալանավորման մասին իմանալուց հետո է որոշել թռչել Թբիլիսի: Նրա խոսքով ՝ ինքը չգիտեր որդու ծրագրերի մասին:
Սաակաշվիլիի մայրը 75 տարեկան է: Նա հայտնի վրացի պատմաբան և թուրքագետ է, Վրաստանի միջնադարյան մշակույթի մասնագետ, պատմական գիտությունների դոկտոր: Հեղինակ է Վրաստանի և Կովկասի պատմության, վրացական մշակույթի պատմության, ազգային ինքնորոշման 100-ից ավելի հետազոտական հոդվածների:
Սաակաշվիլին ձերբակալվել է ուրբաթ՝ Թբիլիսիում։ Ձերբակալության ընթացքում նա դիմադրություն ցույց չի տվել: Նախնական տվյալներով ՝ քաղաքական գործիչը գտնվում է Ռուսթավիի բանտում:
Կարծիքներ