Աշխարհում կորոնավիրուսով վարակվածների թիվը գերազանցել է 305 միլիոնը

Աշխարհում կորոնավիրուսով վարակվածության հաստատված դեպքերի թիվը գերազանցել է 305 միլիոնը, իսկ մահերինը՝ 5,48 միլիոն, ՏԱՍՍ-ի հաղորդմամբ՝ երկուշաբթի հայտարարել է Առողջապահության համաշխարհային կազմակերպությունը (ԱՀԿ):

Հրապարակված տվյալների համաձայն՝ ԱՀԿ-ն տեղեկություն է ստացել 305 914 601 վարակվածների և 5 486 304 մահացածների մասին։ Վարակվածների թիվն օրական ավելացել է 1736233-ով, մահերինը՝ 4029-ով։

Ամբողջ համաճարակի հակառեկորդը գրանցվել է հունվարի 6-ին, երբ 24 ժամվա ընթացքում հայտնաբերվել է վարակման 2 741 367 դեպք։ ԱՀԿ վիճակագրությունը հաշվի է առնում միայն պետությունների կողմից տրամադրված վարակվածների և մահերի մասին պաշտոնապես հաստատված տեղեկությունները։ 300 միլիոնի նշագիծն անցել է հունվարի 8-ին, 250 միլիոնը՝ նոյեմբերի 9-ին, 200 միլիոնը՝ օգոստոսի 5-ին։