«Արարատ-Արմենիան» առաջին միավորները կորցրեց, իսկ «Նոան» շրջանցեց իր մրցակցին

VBET Հայաստանի ֆուտբոլի Պրեմիեր լիգայում կայացան 8-րդ տուրի վերջին երկու հանդիպումները:

Նախ մրցաշարի առաջատար «Արարատ-Արմենիան» հյուրընկալվելիս ոչ-ոքի` 0:0 խաղաց առաջնության նորեկ «Սևանի» հետ: Այդպիսով, նեոարարատցիներն առաջին անգամ միավորներ կորցրին ընթացիկ մրցաշրջանում: Նրանք 22 միավորով շարունակում են վստահորեն գլխավորել աղյուսակը: «Սևանը» վաստակել է 15 միավոր և այժմ զբաղեցնում է 3-րդ տեղը:

Օրվա երկրորդ խաղում «Ուրարտուն» սեփական դաշտում 0:1 հաշվով պարտվեց «Նոային»: Միակ գոլը 90-րդ րոպեին խփեց մոլդովացի Վադիմ Պայրելին:

Այս հաղթանակից հետո «Նոան» վաստակեց 10 միավոր և շրջանցեց հենց «Ուրարտուին», որը 9 միավորով ընթանում էր 5-րդ տեղում: