Չինաստանում ՀՆԱ-ն, չնայած համավարակին, աճել է 0.7 տոկոսով

Չինաստանի ՀՆԱ-ի աճի տեմպը, չնայած նոր կորոնավիրուսային համավարակին, հունվարից սեպտեմբեր ամիսների արդյունքներով դրական է` 0.7 տոկոս: Այս մասին հայտնում է ՉԺՀ պետական ​​վիճակագրական վարչությունը, փոխանցում է ՏԱՍՍ-ը:

Ինչպես նշվում է զեկույցում, համավարակի բացասական ազդեցությունից Չինաստանի տնտեսության վերականգնման ֆոնին երրորդ եռամսյակի դինամիկան էլ ավելի հուսադրող է` 4.9 տոկոս: 2019-ի հուլիս-սեպտեմբեր ամիսներին համապատասխան ցուցանիշը 6 տոկոս էր կազմել:

Ինչպես նշվում է փաստաթղթում, ինն ամսվա ընթացքում չինական տնտեսության մասշտաբը գերազանցել է 72.27 տրիլիոն յուանը (ընթացիկ փոխարժեքով` մոտ 10.7 տրիլիոն դոլար): Գյուղատնտեսության ոլորտը նշված ժամանակահատվածում աճել է 2.3 տոկոսով`  կազմելով 4.81 տրիլիոն յուան ​​(մոտ 717 միլիարդ դոլար), արդյունաբերությունը` 0.9 տոկոսով` մինչեւ 27.42 տրիլիոն յուան ​​(4.1 տրիլիոն դոլար), ծառայությունների ոլորտը` 0.4 տոկոսով` մինչեւ 40.04 տրիլիոն յուան ​​(5.9 տրիլիոն դոլար):

Չինաստանի ՀՆԱ-ի աճի տեմպը հետզհետե դանդաղում է: 2017-ին դրանք կազմել են 6.8 տոկոս, 2018-ին իջել էին մինչեւ 6.6 տոկոս, իսկ 2019-ին, երբ երկրի տնտեսության ծավալը կազմել էր 99 տրիլիոն յուան ​​(մոտ 14.4 տրիլիոն դոլար)` 6.1 տոկոս: