Ռամզյան Քադիրով. Լեռնային Ղարաբաղը դարձել է արնահոսող վերք, որի ապաքինումը թույլ չեն տալիս որոշակի ուժեր. News.am

Չեչնիայի ղեկավար Ռամզան Քադիրովը Հայաստանին և Ադրբեջանին կոչ է արել արյունահեղությունը դադարեցնել, փոխանցում է «ՌԻԱ Նովոստի»-ն։ «Լեռնային Ղարաբաղը դարձել է արնահոսող վերք, որին որոշակի ուժեր ապաքինվելու հնարավորություն չեն տալիս։ Այդ ցավից տուժում է ամբողջ Կովկասը, տարածաշրջանի բոլոր եղբայրական ժողովուդները։ Ռուսաստանն ուղղակի տիտանական ջանքեր է գործադրում՝ հակամարտության կողմերին բանակցային սեղանի շուրջ նստել ստիպելու համար։ Բայց դրա համար անհրաժեշտ է ռազմական գործողությունները մեկընդմիշտ դադարեցնել»,- հայտարարել է նա Telegram ալիքում։ Հանրապետության ղեկավարի կարծիքով՝ իրավիճակում չպետք է որոնել այն, թե ով է առաջինը կրակել, քանի որ պատերազմի շարունակումը իրավիճակն ավելի է հեռացնում ողջամտությունից և մարդկայնությունից, հայտնում է NEWS.am-ը: «Չեչեն ժողովուրդը, որը հրաշալի գիտի պատերազմի և խաղաղության գինը, ձեզ կանգ առնելու, զայրույթը ողջամտությամբ փոխարինելու, հպարտությունը սանձելու և հայրերին ու մայրերին իրենց երեխաներին ողջ-առողջ տեսնելու հնարավորություն տալու կոչ է անում»,- նշել է Քադիրովը։