Հյուսիսային Կորեան անհայտ արկ է արձակել Ճապոնական ծովի ուղղությամբ
Հյուսիսային Կորեան երեքշաբթի օրը անհայտ արկ է արձակել Ճապոնական ծովի ուղղությամբ: Այս մասին հայտնում է Yonhap գործակալությունը՝ հղում անելով Հարավային Կորեայի զինված ուժերի շտաբերի պետերի հայտարարությանը:
Գործակալության նորացված տվյալների համաձայն՝ արձակվել է մեկ անհայտ արկ: Նրա մասին այլ տեղեկություններ չեն հաղորդվում:
Ճապոնական առափնյա պահպանության ծառայությունն իր հերթին հայտնել է, որ Հյուսիսային Կորեան, ենթադրաբար, բալիստիկ հրթիռ է արձակել Ճապոնական ծովի ուղղությամբ և զգուշացրել է տարածքում գտնվող ձկնորսական նավերին բեկորների ընկնելու վտանգի մասին:
Կարծիքներ