Բայդենին զարմացրել են Գերմանիայում կայացած ընտրությունների նախնական արդյունքները
ԱՄՆ նախագահ Ջո Բայդենին զարմացրել են Գերմանիայի ընտրությունների նախնական արդյունքները, որոնցում առաջատար է Գերմանիայի սոցիալ դեմոկրատական կուսակցությունը (SPD): Հայտնում է ТАСС-ը՝ հղում անելով Սպիտակ տան մամուլի ծառայությանը:
Բայդենը, հանգստյան օրեր Մերիլենդ նահանգի Քեմփ Դեյվիդ նստավայրում անցկացնելուց հետո, Սպիտակ տուն վերադառնալիս լրագրողներին խոստովանել է, որ դեռ չի տեսել Գերմանիայում քվեարկության արդյունքները: Երբ նրան տեղեկացրին, որ սոցիալ դեմոկրատական կուսակցությունը առաջ է անցել՝ մի փոքր տարբերությամբ, ամերիկացի առաջնորդը զարմանք հայտնեց:
Կիրակի օրը Գերմանիայում տեղի ունեցան խորհրդարանական ընտրություններ: Գերմանիայի սոցիալ դեմոկրատական կուսակցությունը, ARD և CDF հեռուստաալիքների վերջին հարցումների համաձայն, փոքր ինչ առաջ է անցել Քրիստոնեա դեմոկրատական և քրիստոնեական սոցիալական կուսակցությունների պահպանողական բլոկից: Նախնական պաշտոնական արդյունքները կհրապարակվեն երկուշաբթի երեկոյան, վերջնականը` ընդամենը մոտ երկու շաբաթից:
Կարծիքներ