Ֆուտբոլիստների վարձակալության համակարգը կփոխվի. ՖԻՖԱ

ՖԻՖԱ-ն կփոխի պրոֆեսիոնալ ֆուտբոլում ֆուտբոլիստների վարձակալության համակարգը, հայտնում է կազմակերպության մամուլի ծառայությունը։

Ակումբներից կպահանջվի համաձայնագիր կնքել, որը կհստակեցնի վարձակալության ժամկետը և գործարքի ֆինանսական պայմանները: Վարձակալելու առավելագույն ժամկետն այժմ կլինի 1 տարի, իսկ նվազագույնը՝ երկու տրանսֆերային պատուհանների միջև ընկած ժամանակահատվածը։ Նաև արգելվում է խաղացողներին կրկին վարձակալության տալ երրորդ ակումբին։

Նոր կանոնների համաձայն՝ մեկ մրցաշրջանի ընթացքում ակումբը չի կարող վարձավճարով մեկ ակումբից ձեռք բերել երեքից ավելի խաղացող։ Վարձակալված ֆուտբոլիստների առավելագույն քանակը նույնպես կսահմանափակվի. 2022 թվականի հուլիսի 1-ից մինչև 2023 թվականի հունիսի 30-ը ակումբները չեն կարողանա վարձակալել ութից ավելի խաղացողների մեկ մրցաշրջանի համար:

2023 թվականի հուլիսի 1-ից մինչև 2024 թվականի հունիսի 30-ը այս սահմանաչափը կսահմանվի 7 խաղացող մեկ մրցաշրջանի համար, իսկ 2024 թվականից ակումբները չեն կարողանա մեկ մրցաշրջանի ընթացքում վարձակալել վեցից ավելի խաղացողների։ Այս սահմանափակումը չի տարածվի 21 տարեկանից ցածր խաղացողների վրա։