Նորապատի նորակառույց թաղամասը կգազիֆիկացվի

Նորապատ համայնքի նորակառույց թաղամասը կգազաֆիկացվի. շուրջ 500 շահառու կապույտ վառելիքից օգտվելու հնարավորություն կունենա: Այս մասին  տեղեկացնում են Արմավիրի մարզպետարանից։

Գազաֆիկացումը կիրականացվի սուբվենցիոն ծրագրի շրջանակում, որի ընդհանուր բյուջեն կազմում է 18 մլն 651.37 հազ. դրամ` պետություն-համայնք 50% համաֆինանսավորմամբ:

 Ծրագրով նախատեսված աշխատանքների շրջանակում 1085 գծմ երկարությամբ գազատար խողովակաշար կանցկացվի, հենասյուներ և բաշխիչ կետ կտեղադրվի:

 Ծրագրի իրականացման արդյունքում կբարելավվեն շահառուների բնակկոմունալ պայմանները, կավելանան ջերմոցային տնտեսությունները և նորակառույց բնակարանները:

Աշխատանքների իրականացման ընթացքում կստեղծվի 8 ժամանակավոր աշխատատեղ: