Պուտինը հանդիպում կունենա «Եդինայա Ռոսիա»-ի նախընտրական ցուցակի առաջատարների հետ
Ռուսաստանի նախագահ Վլադիմիր Պուտինը երկուշաբթի օրը տեսակոնֆերանսի միջոցով կշփվի «Եդինայա Ռոսիա» կուսակցության նախընտրական ցուցակի առաջնորդների հետ, հայտնում է ТАСС-ը։
Ըստ աղբյուրի՝ նրանց թվում են Ռուսաստանի պաշտպանության նախարար Սերգեյ Շոյգուն, արտգործնախարար Սերգեյ Լավրովը, Մոսկվայի Կոմունարկայի թիվ 40 քաղաքային կլինիկական հիվանդանոցի գլխավոր բժիշկ Դենիս Պրոցենկոն, Համառուսաստանյան ժողովրդական ճակատի կենտրոնական շտաբի համանախագահ Ելենա Շմելևան և երեխաների օմբուդսմեն Աննա Կուզնեցովա:
Ենթադրաբար, երկուշաբթի օրվա զրույցի ընթացքում կորոշվի թե «հինգից» ով է վերցնելու պատգամավորական մանդատները եւ աշխատանքի անցնելու Պետդումայում: Մինչ այժմ «Եդինայա Ռոսիա» ընտրական ցուցակի առաջատարներից ոչ մեկը պաշտոնապես չի հայտարարել իր որոշման մասին:
Կարծիքներ