Էրդողանը խոստովանել է, որ Ռուսաստանից С-400-ի գնումը իմաստ ուներ

Թուրքիայի կողմից Ռուսաստանից S-400 զենիթային հրթիռային համակարգերի գնումը իմաստ ուներ, չնայած Վաշինգտոնի հետ Անկարայի հարաբերություններում առաջացած բախումներին:

Այս դիրքորոշումը հայտարարել է Թուրքիայի հանրապետության նախագահ Ռեջեփ Թայիփ Էրդողանը՝ չորեքշաբթի օրը The New York Times- ին տված հարցազրույցում:

Հարցին, թե արդյո՞ք Թուրքիայի այս քայլն իմաստ ուներ՝ հաշվի առնելով ԱՄՆ-ի հետ լարվածությունը, Էրդողանը դրական պատասխան է տվել․ «Կարծում եմ, որ արժեր,- ասել է նա,- մենք ամրապնդում ենք մեր պաշտպանությունը այնպես, ինչպես նպատակահարմար ենք գտնում»:

Միեւնույն ժամանակ, թուրք առաջնորդը խոստովանել է, որ Վաշինգտոնի հետ հարաբերությունները դեռեւս սկզբունքորեն կարեւոր են Անկարայի համար: «Թուրքիան վաղեմի հարաբերություններ ունի ԱՄՆ-ի հետ,- մեջբերում է թերթը նրա խոսքերը,- դրանք կամրապնդվեն եւ պետք է պաշտպանվեն»: