Գորիսում սպասվում է հայ-իրանական մշակութային փառատոն

Գորիսի համայնքապետարանից հայտնում են, որ սիրով hրավիրում են մասնակցելու բացառիկ իրադարձության՝ «Համագործակցության մետաքսե գորգ» խորագրով հայ-իրանական մշակութային փառատոնին, որը տեղի կունենա օգոստոսի 11-ին` Գորիսում:

Սպասվում է՝ 

• Հայ և իրանցի վարպետների ձեռարվեստի ներկայացում

• Հայկական և իրանական խոհանոցների համեղ ուտեստներ

• Ավանդական գորգերի ցուցադրություն երկու մշակույթներից, երաժշտական խմբերի կատարումներ

• Արցախյան մշակութային խմբերի ելույթներ՝ Արցախի պարի պետական համույթի, «Մենք ենք մեր սարեր», «Այաների» համույթների մասնակցության։

• «Մատուռ» երգչախումբ

• Գորիսի մշակութային հաստատությունների բազմաժանր ներկայացումներ:

«Միացե՛ք մեզ այս յուրահատուկ տոնակատարությանը, որը կամրապնդի մշակութային կապերը և կստեղծի նոր կամուրջներ»,-ասվում է հաղորդագրության մեջ:

 
Փառատոնի մեկնարկը՝ ժամը 17:00-ին. վայրը՝ Գորիս քաղաքի Գրիգոր Տաթևացու անվան հրապարակ:
Եկե՛ք միասին բացահայտենք հայկական և իրանական մշակութային ժառանգությունը:
Սպասում ենք Ձեզ Գորիսում՝ այս եզակի մշակութային հանդիպմանը: