Թուրքիայի ԱԳՆ-ն Օսման Կավալայի վերաբերյալ հայտարարությունների պատճառով կանչել է 10 երկրների դեսպաններին
Թուրքիայի ԱԳՆ-ն Անկարա է կանչել ԱՄՆ -ի, Գերմանիայի, Դանիայի, Ֆինլանդիայի, Ֆրանսիայի, Նիդեռլանդների, Շվեդիայի, Կանադայի, Նորվեգիայի և Նոր Զելանդիայի դեսպաններին` ակտիվիստ Օսման Կավալայի ձերբակալության վերաբերյալ նրանց հայտարարությունների պատճառով: ՏԱՍՍ-ի փոխանցմամբ՝ այդ մասին երեքշաբթի հաղորդել է «Անադոլու» գործակալությունը ՝ վկայակոչելով գերատեսչության աղբյուրները:
Ավելի վաղ ՝ երկուշաբթի, այս երկրների դեսպանատները հանդես են եկել համատեղ հայտարարությամբ, որում կոչ են արել թուրքական իշխանություններին անհապաղ ազատ արձակել Կավալային:
Սպասվում է, որ երեքշաբթի առավոտյան դիվանագիտական ներկայացուցչությունների ղեկավարները կժամանեն նախարարություն:
Կավալան ձերբակալվել էր 2017 թվականի հոկտեմբերի 18 -ին Ստամբուլի օդանավակայանում: Նույն թվականի նոյեմբերի 1 -ին դատարանը նրան կալանավորելու որոշում է կայացրել սահմանադրական կարգը փոխելու և ներկայիս իշխանությանը հեռացնելու փորձի համար: Թուրքական իշխանությունները նաև համարում էին, որ Կավալան ներգրավված է 2013 թվականին տեղի ունեցած բողոքի ցույցերում:
Կարծիքներ