Մակրոնի սանիտարական QR կոդը հասանելի է դարձել համացանցում
Ֆրանսիայի նախագահ Էմանուել Մակրոնի սանիտարական QR կոդը հասանելի է համացանցում, հաղորդում է Риа новости-ն՝ հղում անելով BFMTV-ին:
Ըստ աղբյուրի՝ սեպտեմբերի 20-ից յուրաքանչյուրը կարող է ներբեռնել Մակրոնի սանիտարական QR կոդը:
Ելիսեյան պալատը հաստատել է նախագահական QR կոդի հասանելի դառնալու մասին տեղեկությունը՝ ասելով, որ դա կարգապահական խախտում է:
Բուժաշխատողը պատճենել է նախագահի QR կոդը, այնուհետև պատահաբար կամ դիտավորությամբ՝ գաղտնազերծել:
Առողջության ապահովագրության ազգային հիմնադրամը (Cnam), որը պատասխանատու է պատվաստումների տեղեկատվական համակարգի համար, խնդրել է Ազգային բժշկական ասոցիացիային պատասխանատվության ենթարկել արտահոսքի մեղավորներին:
Կարծիքներ