Անհեթեթ թվացող 14 անսովոր միջոց սնունդը պահելու համար
Խանութների դարակները լի են ամեն ճաշակի համար նախատեսված ապրանքներով, և հաճախ մենք գնում ենք այնպիսի ապրանքներ, որոնք շատ ավելի ուշ մեզ հարկավոր կլինեն։ Ավաղ, նրանցից շատերը մենք չենք հասցնում օգտագործել և դեն ենք նետում աղբարկղ։ Բարեբախտաբար, կան պարզ և ապացուցված եղանակներ՝ ձեր պաշարները ավելի երկար թարմ պահելու համար:
Ստորև ներկայացնում ենք համացանցի օգտատերերի կողմից հավաքված 14 արտասովոր փաստեր՝ ապրանքները պահելու համար։
Սովորական գդալը կօգնի վարունգը երկար պահել սառնարանում։ Դրեք այն վարունգով տոպրակի մեջ, և դրանք թարմ կմնան մինչև 2 շաբաթ։
Շատերը փորձարկել են այս մեթոդը և հաճելիորեն զարմացել՝ վարունգը իսկապես շատ ավելի երկար է թարմ մնացել։
Կաթնաշոռով և թթվասերով տարաները լավագույնս պահվում են գլխիվայր: Սա ստեղծում է վակուումային էֆեկտ, որը կանխում է բակտերիաների աճը։
Ալյուրի մեջ միջատների հայտնվելը կանխելու համար կարելի է վրան մի կտոր փայլաթիթեղ դնել։
Հատապտուղները ավելի երկար թարմ վիճակում պահելու համար դրանք ողողեք այս լուծույթով՝ 2 ճաշի գդալ քացախ 3 բաժակ ջրի մեջ։
Սառեցված լոլիկից կարելի է պատրաստել սոուսներ, ապուրներ։ Այսպես լոլիկը կպահվի մինչև վեց ամիս։
Կանաչիները փաթաթեք մի փոքր խոնավեցված թղթե սրբիչով, դրեք տոպրակի մեջ՝ դուրս հանելով ավելորդ օդը ։Կանաչին դնելով սառնարանի մեջ կմնա թարմ և չի դեղնի։
Հացը չբորբոսելու համար կարող եք տոպրակի մեջ դնել նեխուրի ցողուն։
Marshmallows-ը կօգնի շագանակագույն շաքարավազը թարմ և փափուկ պահել: Պարզապես մի քանի կտոր դրեք շաքարավազի տոպրակի կամ տարայի մեջ։
Եթե կտրել եք խնձորը, բայց չեք կարողացել ուտել բոլոր կտորները, կարող եք դրանք փաթաթել ռետինով: Սա կպահի խնձորը, և այն գույնը չի փոխի։
Որպեսզի ավոկադոն ավելի արագ հասունանա, այն պետք է դնել բանանի հետ նույն տարայի մեջ։ Բանանն ակտիվորեն արտազատում է էթիլեն, որի օգնությամբ ավոկադոն ավելի արագ է հասունանում։
Չորացրած մրգերը պետք է պահել ապակե տարայի մեջ՝ հերմետիկ փակ կափարիչով, զով տեղում։ Այս կերպ նրանք ավելի երկար են մնում փափուկ։
Հազարի տերեւները փաթաթելով փայլաթիթեղի մեջ, նրանք խրթխրթան կմնան մինչև 4 շաբաթ։
Որպեսզի թարմ հատապտուղները սառչելիս իրար չկպչեն, ավելի լավ է դրանք նախ սառեցնել ափսեի մեջ՝ միմյանցից առանձին, և միայն դրանից հետո դնել տոպրակի մեջ։
Մենք ձեզ ներկայացրինք լավագույն 14 միջոցը ապրանքները պահելու համար. կտրված կիտրոնն ավելի երկար թարմ պահելու համար կարող եք այն թաթախել աղի մեջ և դնել սառնարանը։
Իսկ դուք ունե՞ք սննդի պահպանման ձեր գաղտնիքները: Մեր հոդվածից ո՞ր միջոցը կօգտագործեք։
Կարծիքներ