Մանվել Գրիգորյանի կողմից տարիներ առաջ խոշտանգված ազատամարտիկը վիրավորվել է. «Ժամանակ»
«Ժամանակ» թերթը գրում է. «Տարիներ առաջ գեներալ Մանվել Գրիգորյանի կողմից խոշտանգված ազատամարտիկ Աշոտ Իսախանյանը օրերս առաջնագծում ծանր վիրավորում է ստացել և ներկայումս ապաքինման փուլում է։
Իսախանյանը, հիշեցնենք, վերջերս էր պայմանական վաղաժամկետ ազատ արձակվել և պատերազմի լուրը լսելուն պես կամավորական հիմունքով մեկնել էր առաջնագիծ։ Պատերազմական առաջին օրերից մարտական գործողությունների է մասնակցել Քարվաճառի հատվածում։
Թեժ մարտերից մեկի ժամանակ ոտքից վիրավորվել է, ապա երբ ծառայակից ընկերները նրան դուրս են բերել կրակի տակից, վիրավոր վիճակում իր գնդացրով խոցել է իր ուղղությամբ եկող հարվածային ԱԹՍ-ն, որն ընկել է իրենից մի քանի մետր հեռավորության վրա։ Դրա պայթյունից էլ ստացել է բեկորային վնասվածքներ գլխի հատվածում։ Վիրահատվել է «Արմենիա» բժշկական կենտրոնում և հիմա ապաքինվում է Զեյթունի Հայորդաց տանը»։
Առավել մանրամասն՝ թերթի այսօրվա համարում:
Կարծիքներ