Աքորի գյուղում մեկհարկանի տանը հրդեհ է բռնկվել
Սեպտեմբերի 8-ին, ժամը 08։27-ին Լոռու մարզային ճգնաժամային կառավարման կենտրոն ահազանգ է ստացվել, որ Աքորի գյուղում՝ ֆուտբոլի դաշտի մոտակայքում, այրվում է երկհարկանի տուն։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է Աքորի գյուղի 5-րդ փողոցում գտնվող մեկհարկանի տներից մեկում։
Հրդեհը մեկուսացվել է ժամը 09։25-ին, մարվել՝ 10։01-ին։ Բնակարանում հայտնաբերվել է քաղաքացի Վ․ Պ․-ի դին (ծնված 1938 թ․)։
Կարծիքներ