Արտակարգ դեպք Աշտարակում. ոստիկաններին հաջողվել է կանխել 21-ամյա տղայի ինքնասպանության փորձը

Այսօր՝ հունվարի 16-ին, արտակարգ դեպք է տեղի ունեցել Արագածոտնի մարզում: Ժամը 12::45-ի սահմաններում ոստիկանության Աշտարակի բաժին ահազանգ է  ստացվել, որ Քասախ գետի մոտ գտնվող կամրջի ճաղավանդակին մի քաղաքացի է կանգնել ու ցանկանում է  ցած նետվել:

Shamshyan.com-ի փոխանցմամբ, ժամանել է ոստիկանության խումբը,  ոստիկանները բանակցություններ են վարել այդ քաղաքացու հետ, որպեսզի նա չդիմի ծայրահեղ այդ քայլին և անցնի  անվտանգ վայր:

Ի վերջո, հաջողվել է  համոզել  և քաղաքացուն  ոստիկանների հետ  կարողացել են հետ բերել  վտանգավոր եզրագծից, նրան ուղեկցել են ոստիկանության Աշտարակի բաժին:

Կայքի տեղեկություններով՝ նա Արագածոտնի մարզի բնակիչ, 21-ամյա Ա. Մ.-ն է, ով ոստիկաններին հայտնել է, որ ցանկանում է  այդ ձևով վերջ տալ իր կյանքին, որպեսզի միանա իր զոհված ընկերներին:

Փաստի առթիվ  ոստիկանության Աշտարակի բաժնի հետաքննական բաժանմունքում նյութեր են նախապատրաստվում: