ԱՄՆ-ի վարակիչ հիվանդությունների գլխավոր մասնագետը միջոցներ է առաջարկել «հաջորդ մոտալուտ համաճարակին» նախապատրաստման համար

Միացյալ Նահանգների ալերգիկ և ինֆեկցիոն հիվանդությունների ազգային ինստիտուտի տնօրեն Էնթոնի Ֆաուչին կիրակի իր ելույթում` «Գիտության և տեխնոլոգիայի միջազգային ֆորումի» շրջանակում, թվարկել է գիտական ​​համայնքի հիմնական միջոցառումները հաջորդ համաճարակի նախապատրաստման համար:

«Նախ, մենք հայտնաբերում ենք առաջնահերթ պաթոգեններ, որոնք կարող են համաճարակ առաջացնել: Օրինակ, Առողջապահության համաշխարհային կազմակերպությունը նման ցուցակ ունի: Խնդիրն այն է, որ մենք չենք կարող սահմանափակվել այս մոտեցմամբ, քանի որ վարակի զանգվածային տարածումը սովորաբար առաջանում է չնախատեսված հարուցիչի կողմից», - ասել է Ֆաուչին:

«Երկրորդ, գիտնականները բարելավում են տեխնոլոգիական նոր մեթոդները, ինչպիսիք են մատրիցային ՌՆԹ պատվաստուկները և վեկտորային դեղամիջոցները:

Այս մեթոդների օպտիմալացումն արդեն նշանակալի դեր է խաղացել կորոնավիրուսի տարածման դեմ պայքարում», - ընդգծել է ինֆեկցիոնիստը: 

Նշենք, որ համաժողովն անցկացվում է երկրորդ տարին անընդմեջ։