2022-ին կարող է կորոնավիրուսի դեմ նոր պատվաստանյութի կարիք լինել. Շահին
BioNTech- ի գործադիր տնօրենը կարծում է, որ կորոնավիրուսի դեմ նոր պատվաստանյութ կարող է անհրաժեշտ լինել 2022 թվականին, հայտնում է ТАСС-ը։
Ներկայումս կորոնավիրուսային նոր պատվաստանյութեր օգտագործելու կարիք չկա, բայց աշխարհը գուցե դրանց կարիքն ունենա մյուս հաջորդ տարի: Այս գնահատականն է տվել գերմանական BioNTech դեղագործական ընկերության գործադիր տնօրեն և համահիմնադիր Ուգուր Շահինը, որը կիրակի օրը հարցազրույց է տվել բրիտանական Financial Times թերթին։
«Այս տարի նոր պատվաստանյութերի կարիք չկա: Այնուամենայնիվ, հաջորդ տարվա կեսերին իրավիճակը կարող է այլ լինել», - ասել է Շահինը:
Նրա խոսքով ՝ աշխարհում ներկայումս շրջանառվող կորոնավիրուսային շտամները, ներառյալ դելտայի շտամը, ավելի վարակիչ են, քան դրա սկզբնական տարբերակը, բայց դրանք այնքան չեն տարբերվում իրարից։ Միեւնույն ժամանակ, մեծ է հավանականությունը, որ հետագայում ի հայտ կգան շտամներ, որոնք կարող են «խաբել» իմունային համակարգին, ինչը կպահանջի նոր դեղամիջոցների մշակում:
Կարծիքներ