Արեւի հանդեպ սերը՝ կախվածությո՞ւն. ինչու են ոմանք այդքան սիրում արեւի տակ մնալ

Արեւի հանդեպ սերը՝ կախվածությո՞ւն. ինչու են ոմանք այդքան սիրում արեւի տակ մնալ

Որոշ մարդիկ ավելի շատ են սիրում արեւի ճառագայթների տակ գտնվել, քան մյուսները: Նույնիսկ քաջատեղյակ լինելով առողջության վրա թողած արեւի բացասական ազդեցության մասին՝ նրանք, կարելի է ասել, «արեւի տակ տեղ են փնտրում» բառի բուն իմաստով: Գիտնականները գտել են այս երեւույթի պատասխանը: Պարզվում է՝ պատճառը գեներն են

Արեւի տակ երկար մնալ սիրող մարդկանց ֆենոմենն առաջին հերթին հետաքրքրում է մաշկաբաններին: Ինչպես հայտնի է, արեւի ճառագայթների ներքո երկար մնալը նպաստում է մաշկի քաղցկեղի առաջացմանը:

Սակայն Լոնդոնի Արքայական քոլեջի մասնագետները արեւի տակ մնալու հանդեպ սերը համեմատում են կախվածության հետ: Նրանք հանգամանորեն ուսումնասիրել են 2 500 զույգ երկվորյակների տվյալներ: Պարզվել է, որ միաբջիջ երկվորյակները նույն կերպ կամ շատ են սիրում արեւի ճառագայթները կամ երկուսն էլ չեն սիրում: Իսկ ոչ միաբջիջ երկվորյակների նախասիրություններն այս հարցում կարող են տարբերվել:
Բացի այդ, մասնագետներն ուսումնասիրել են եւս 260 հազար մարդու տվյալներ ու պարզել, որ գոյություն ունեն գեներ, որոնք կապված են «արեւի հանդեպ սիրո» հետ:

Ընդ որում, դրանք նույն գեներն են, որոնք պատասխանատու են տարբեր կախվածությունների համար՝ ալկոհոլային, թմրանյութային եւ այլն:

Հետևեք մեզ նաև Տելեգրամում