Սինձո Աբեն հիվանդանոցում է․ ԶԼՄ
Ինչպես հայտնում է Reuters գործակալությունը վկայակոչելով կառավարության իր աղբյուրին, Ճապոնիայի վարչապետ Սինձո Աբեն երկուշաբթի հոսպիտալացվել է բուժհետազոտության նպատակով։
Մի բարձրաստիճան անձ ավելի վաղ մտահոգություն էր հայտնել համավարակի շրջանում աշխատանքի գերծանրաբեռնվածության պատճառով Ճապոնիայի վարչապետի հոգնածության կապակցությամբ։
Աբեն նախատեսում է Կեյո համալսարանի հիվանդանոցում հետազոտությունից հետո տուն վերադառնալ երկուշաբթի երեկոյան, հայտնել է իրավիճակին ծանոթ աղբյուրը։
Հետազոտության պատճառների մասին չի հաղորդվում։
Ճապոնական լրատվամիջոցները հայտնում են, որ սա պլանային հետազոտություն է, եւ մտահոգություն առաջացնող ոչ մի բան չկա։
Կարծիքներ