Հատուկ օպերացիա Երևանում․ հայտնաբերվել են գերձայնային խլացուցիչներով ավտոմեքենաներ

SHAMSHYAN.com-ի տեղեկություններով՝ ՀՀ ՆԳՆ Ոստիկանության Պարեկային ծառայությունում կան մտահոգություններ այն մասին, որ գերձայնային խլացուցիչներով հանրապետությունում երթևեկող վարորդների հայտնաբերման ուղղությամբ աշխատանքները պետք է էլ ավելի դրական արդյունք տան։

Ինչպես հայտնում է կայքը՝ օրեր առաջ Երևանում իրականացվել է հատուկ օպերացիա, որպեսզի հայտնաբերեն այն վարորդներին, որոնց ավտոմեքենաների մասին ոչ միայն օպերատիվ տեղեկություններ են ստացվել, այլ նաև քաղաքացիների կողմից ահազանգեր, որ նշված ավտոմեքենաների վարորդները ավտոմեքենաների վրա տեղադրել են գերձայնային խլացուցիչներ։ 

1 օրում ՊԾ Երևան քաղաքի գնդի 4-րդ գումարտակի 1-ին վաշտի պարեկները մայրաքաղաքի տարբեր հայտվածներում հայտնաբերել և ՊԾ Երևան քաղաքի գնդի հատուկ պահպանվող տարածք են տեղափոոխել 2 տասնյակից ավելի ավտոմեքենաներ, այդ թվում՝ Range Rover, BMW, Mercedes-G, Audi, որոնց վրա տեղադրված են եղել գերձայնային խլացուցիչներ։ 

Վարորդների մի մասն արդարացել են, թե այն տեղադրված է ավտոմեքենան արտադրող գործարանի կողմից։