Իտալիան հրաժարվել է երեխաներին և դեռահասներին վերադարձնել Կիև

Իտալիայի Բերգամո քաղաքի Կեսթուրան (տեղական ոստիկանության բաժինը) երկու շաբաթով հետաձգել է 6-ից 16 տարեկան ուկրաինացի որբերի 57 հոգանոց խմբի մեկնումը հայրենիք: Ինչպես գրում է Il Messaggero թերթը , Ուկրաինայում հակամարտությունը սկսվելու պահից նրանք համապատասխան կառույցների կողմից ընդունվել են որպես փախստականներ։

Նրանց վերադարձը Կիևի իշխանությունների խնդրանքով նախատեսված էր օգոստոսի 16-ին և կազմակերպվել էր Իտալիայում Ուկրաինայի հյուպատոսության կողմից։ Այնուամենայնիվ, նրանց տեղական հոգաբարձուները և ՅՈՒՆԻՍԵՖ-ի (ՄԱԿ-ի մանկական հիմնադրամ) և ՄԱԿ-ի փախստականների հարցերով գերագույն հանձնակատարի գրասենյակի ներկայացուցիչները, ինչպես նաև իրենք՝ երեխաները, դեմ արտահայտվեցին դրան: Նրանցից 34-ի համար մեկնարկել է միջազգային պաշտպանության տրամադրման ընթացակարգը։ Ուկրաինայում նրանք մանկատներում էին, և միջազգային կազմակերպությունները նշում էին, որ պատերազմող երկրում նրանց անվտանգությունը երաշխավորված չէ: