Խոշոր հրդեհ Բարձրունի գյուղի մոտ. դեպքի վայր է մեկնել 3 մարտական հաշվարկ
Հայաստանի ԱԻՆ-ում, հուլիսի 28-ին, ժամը 08։55-ին Ճգնաժամային կառավարման ազգային կենտրոն տեղեկություն է ստացվել, որ Բարձրունի գյուղի մոտակայքում այրվում է խոտածածկ տարածք:
Դեպքի վայր են մեկնել ԱԻՆ ՓԾ Վայոց ձորի մարզային փրկարարական վարչության օպերատիվ խումբը և հրշեջ-փրկարարական ջոկատից երեք մարտական հաշվարկ։
Հրդեհաշիջման աշխատանքներում ներգրավված են 12 հրշեջ-փրկարար՝ Վայոց ձորի մարզային փրկարարական վարչության փ/ծ գնդապետ Հ․ Սարգսյանի գլխավորությամբ և գյուղի 15 բնակիչ։
Ժամը 20։15-ին մթության պատճառով աշխատանքները դադարեցվել են․ սահմանվել է հերթապահություն։
Հրդեհը մեկուսացվել է հուլիսի 29-ի ժամը 07։57-ին։ Այրվում է մոտ 40 հա խոտածածկույթ:
Կարծիքներ