Վանաձորի, Վեդու եւ Դիլիջանի ԲԿ-ները օգոստոսի 1-ից կվերադառնան իրենց հիմնական աշխատանքին․ Արսեն Թորոսյան
Վանաձորի ինֆեկցիոն հիվանդանոցը, Վեդու բժշկական կենտրոնը եւ Դիլիջանի բժշկական կենտրոնը օգոստոսի մեկից հավանաբար կվերադառնան իրենց հիմնական աշխատանքին։ Այս մասին լրագրողների հետ զրույցում ասաց առողջապահության նախարար Արսեն Թորոսյանը։
Նրա խոսքով՝ եւս 3 բժշկական կենտրոն Երեւանում մոտակա 7-10 օրերի ընթացքում համաճարակային իրավիճակի կայունացման նույն տեմպի պահպանման դեպքում նույնպես կդադարեն միայն կորոնավիրուսային վարակով պացիենտների բուժմամբ զբաղվել եւ կվերադառնան իրենց բնականոն աշխատանքին։
Նախարարի խոսքով՝ բուժման մեջ գտնվող պացիենտների թիվն այժմ նվազում է, եւ հիվանդանոցներում կան բազմաթիվ ազատ մահճակալներ։
Կարծիքներ