Երևան-Մեղրի ճանապարհին բախվել են բեռնատարն ու մարդատար մեքենան. կան տուժածներ
![Երևան-Մեղրի ճանապարհին բախվել են բեռնատարն ու մարդատար մեքենան. կան տուժածներ](https://freenews.am/uploads/images/image_750x_6511bf7be1c93.jpg)
Սեպտեմբերի 25-ին՝ ժամը 15։32-ին, Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սուրենավան գյուղում տեղի է ունեցել ՃՏՊ. կան տուժածներ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի ավտոճանապարհի 55-րդ կմ-ին բախվել են «DAF» մակնիշի բեռնատարը (վարորդ՝ Բ․ Ա․ Շ․, ծնված 1965 թ․) և «VAZ» մակնիշի ավտոմեքենան (վարորդ՝ Ս․ Գ․, ծնված 1970 թ․):
Փրկարարները «VAZ» մակնիշի ավտոմեքենայի վարորդին դուրս են բերել մեքենայից և մոտեցրել շտապօգնության ավտոմեքենային, վարորդը և ուղևոր Վ․ Գ․-ն (ծնված 1936 թ․) հոսպիտալացվել են բժշկական կենտրոն։
Փրկարարները հոսանքազրկել են ավտոմեքենան և փակել գազի բալոնի փականը:
Կարծիքներ