Ինչ վագր է Արսեն Թորոսյանը ստացել Վրաստանի իր պաշտոնակցից. պարզաբանում է խոսնակը
«Հրապարակ» օրաթերթը «էսքկլյուզիվ» ենթաբաժնում հոդված է հրապարակել՝ վերնագրելով, թե «Արսեն Թորոսյանին թանկարժեք վագր են նվիրել»:
ԱՍՀՆ խոսնակն անդրադարձել է թեմային՝ հրապարակելով լուսանկարներ ու նշելով, որ «Հրապարակ» օրաթերթի մասին ողջ ճշմարտությունը մեկ նյութում, ավելի ճիշտ` մեկ վերնագրումէ ամփոփված:
«Իսկ կից լուսանկարում կտեսնեք նախարար Թորոսյանի` Վրաստանի իր պաշտոնակցից ստացած արարողակարգային նվեր «վագրը», որն ի դեպ, սահմանված ընթացակարգով ներկայացվել է Կոռուպցիայի կանխարգելման հանձնաժողով:
Գուցե օրաթերթում կարոտով են հիշում այն ժամանակները, երբ դղյակներում սեփական կենդանաբանական այգին և վայրի կենդանիներ պահող պաշտոնյաներն ավելի շատ էին մեր երկրում, քան Կարմիր գրքում գրանցված շատ կենդանատեսակներ, և այդ կարոտն է, որ ոչ մի կերպ հանգիստ չի տալիս վերջիններիս»,-գրել է խոսնակը:
Կարծիքներ