Երևանի Բադալ Մուրադյան փողոցում ՃՏՊ-ի հետևանքով տուժել է 4 մարդ

Երևանի Բադալ Մուրադյան փողոցում ՃՏՊ-ի հետևանքով տուժել է 4 մարդ

Ճգնաժամային կառավարման ազգային կենտրոնը մայիսի 2-ին, ժամը 09։29-ին ահազանգ է ստացել, որ Երևանի Բադալ Մուրադյան փողոցում տեղի է ունեցել ՃՏՊ՝ բախվել է երկու ավտոմեքենա. կա արգելափակված քաղաքացի:

Ինչպես տեղեկացրին ՀՀ արտակարգ իրավիճակների նախարարությունից, դեպքի վայր են մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատի մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Ըստ աղբյուրի՝ պարզվել է, որ բախվել են «Mercedes-Benz CLK» (վարորդ` Վ. Ս., ծնված 1974 թ.) և «Renault» (վարորդ՝ Յ. Պ., ծնված 1999 թ.) մակնիշների ավտոմեքենաները․ արգելափակված քաղաքացի չկա։

Նշվում է, որ փրկարարները հոսանքազրկել են ավտոմեքենաները, փակել գազի բալոնների փականները, «Mercedes-Benz CLK» մակնիշի ավտոմեքենայի վարորդին և երկու ուղևորին մոտեցրել շտապօգնության մեքենային։ Վարորդները և երկու ուղևորները հոսպիտալացվել են «Էրեբունի» բժշկական կենտրոն։

Հետևեք մեզ նաև Տելեգրամում