Վերին Գետաշենում կասֆալտապատվի յոթ փողոց

Գեղարքունիքի մարզի Վերին Գետաշեն համայնքում այս տարի ՀՀ կառավարության կողմից իրականացվող սուբվենցիոն ծրագրերի շրջանակներում կասֆալտապատվի յոթ փողոց՝ 3700 գծամետր ընդհանուր երկարությամբ: Այս մասին հայտնում են հայտնում են Գեղարքունիքի մաիրզպետարանից:

Գեղարքունիքի մարզպետարանի զարգացման ծրագրերի, զբոսաշրջության եւ վերլուծության բաժնի տեղեկացմամբ՝ ծրագրի ընդհանուր արժեքը կազմում է 136 միլիոն դրամ, որի 60 տոկոսը կամ 81 միլիոն 600 հազար դրամը հատկացնում է ՀՀ կառավարությունը, 40 տոկոսը կամ 54 միլիոն 400 հազար դրամը՝ Վերին Գետաշենի համայնքապետարանը:

Վերին Գետաշեն համայնքի ղեկավարի հավաստմամբ՝ ասֆալտապատվելու են համայնքի Ա թաղամասի 1-ին, Բ թաղամասի 3,5, 6, 9, 11,13 փողոցները:

«Համայնքի կողմից որպես ներդրող մասնակցում է բարերար Արտավազդ Սիմոնյանը՝ 13 միլիոն դրամ ներդրումով: Այդ դեպքում համայնքապետարանի մասնակցությունը ծրագրին կազմում է 41 միլիոն 400 հազար դրամ: Ասֆալտապատվող փողոցների ընդհանուր մակերեսը կկազմի 13 հազար 100 քառակուսի մետր:  Ջրահեռացման համակարգ կկառուցվի ասֆալտապատվող այն փողոցներում, որտեղ այն բացակայում է:Շ ինարարական աշխատանքների մրցույթը ամփոփված է, աշխատանքները մեկնարկել են այս շաբաթվա սկզբից:  Ծրագրի իրականացման պայմանագրային արժեքը կազմել է 115 միլիոն դրամ:

Այս կենսական նշանակության ծրագրի ավարտով արդեն մեր համայնքում կունենանք ավելի քան 65 տոկոսով հիմնանորոգված ու ասֆալտապատ ճանապարհներ: Կանենք հնարավորը, որպեսզի մեկ-երկու տարվա ընթացքում ունենանք ամբողջովին հիմնանորոգված ներհամայնքային ճանապարհներ»,-ներկայացրել է  համայնքի ղեկավարը: