Ռուսական 102-րդ ռազմաբազան ուժեր է տեղակայում Սյունիքի մարզում
Ռուսական 102-րդ ռազմաբազան ուժեր է տեղակայում Սյունիքի մարզի այն հատվածներում, որտեղ ներխուժել էին ադրբեջանցիները: Որոշումը կայացվել է այն բանից հետո, երբ վարչապետի ժամանակավոր պաշտոնակատար Նիկոլ Փաշինյանը ՝ ռազմական աջակցություն տրամադրելու խնդրանքով դիմեց ՌԴ նախագահ Վլադիմիր Պուտինին: Հայտնում է @ bagramyan26-ը:
Ռուսաստանը ՝ որպես Հայաստանի անվտանգության երաշխավոր, իր աջակցություն է հայտնել դաշնակցին, սակայն Մոսկվան շարունակում է պնդել, որ հայ-ադրբեջանական ճգնաժամը պետք է լուծել բանակցությունների միջոցով:
Հիշեցնենք, որ նախօրեին Հայաստան է ժամանել ՌԴ զինված ուժերի հարավային ռազմական օկրուգի հրամանատար, բանակի գեներալ Ալեքսանդր Դվորնիկովը, որը հանդիպում է ունեցել պաշտպանության նախարարի պաշտոնակատար Վաղարշակ Հարությունյանի հետ:
Կարծիքներ