Փրկարարներն ավտոմեքենան դուրս են բերել արգելափակումից
Հունիսի 13-ին, ժամը 19։10-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Կուրթանի ձոր» կոչվող տարածքում ավտոմեքենան արգելափակվել է ցեխակույտում․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ձորագետ գետի ափամերձ հատվածում գտնվող «Toyota» մակնիշի ավտոմեքենան ջրի մակարդակի բարձրացման հետևանքով հայտնվել է ջրում և արգելափակվել։
Փրկարարները գետից դուրս են բերել ավտոմեքենան և վարորդին և հինգ ուղևորներին տեղափոխել Կուրթան գյուղ։
Կարծիքներ