Իտալիայի իշխանությունները նշել են, թե որ երկրներից են զբոսաշրջիկների սպասում

Զբոսաշրջության նպատակով Իտալիա մուտքը թույլատրվում է ԵՄ-ից եւ Շենգենյան երկրներից, ինչպես նաեւ Մեծ Բրիտանիայից եւ Հյուսիսային Իռլանդիայի Միացյալ Թագավորությունից, Անդորրայից, Մոնակոյից, Սան Մարինոյից եւ Վատիկանից ժամանած հյուրերին, հայտնում է ENIT-ը (Իտալիայի տուրիզմի ազգային գործակալությունը), փոխանցում է «ՌԻԱ Նովոստի»-ն: .

Ալժիրում, Ավստրալիայում, Կանադայում, Վրաստանում, Ճապոնիայում, Մոնտենեգրոյում, Մարոկկոյում, Նոր Զելանդիայում, Ռուանդայում, Սերբիայում, Կորեայի Հանրապետությունում, Թաիլանդում, Թունիսում, Ուրուգվայում բնակող օտարերկրյա քաղաքացիները կարող են մուտք գործել Իտալիա, բայց նրանք ստիպված կլինեն 14-օրյա կարանտին անցնել։

«Երկու շաբաթը մեկ անգամ կվերանայվի երկրների ցանկը, որոնք ԵՄ անդամ չեն եւ  Շենգենյան երկիր չեն հանդիսանում, իսկ տեղեկատվությունը կթարմացվի»,- պարզաբանել է ENIT-ը։