Եթե մարդն ասում է, որ տառապում է, ուրեմն՝ տառապում է. ինչի համար են պետք վշտի ապացույցները. Լենա Նազարյան

Եթե մարդն ասում է, որ տառապում է, ուրեմն՝ տառապում է: Ինչի՞ համար են պետք վշտի ապացույցներ:
ԱԺ պատգամավոր Լենա Նազարյանը «ֆեյսբուքի»-ի իր էջում անդրադարձել է ՀՀ վարչապետի տիկին Աննա Հակոբյանի տեսաուղերձին, որտեղ նա խոսել է կազմակերպված միջոցառման բուն նպատակի մասին:
 
«Գրեթե ամեն շաբաթ իմ գործընկեր Տաթևիկ  Գասպարյանի հետ այցելում ենք պատերազմում զոհված մարդկանց ընտանիքներ: Սա մեր անձնական նախաձեռնությունն է, և ես շնորհակալ եմ յուրաքանչյուր ընտանիքին, որ արձագանքում է հանդիպելու մեր խնդրանքին:
Այս ամիսներ տևող այցելությունների ընթացքում ծանոթացել եմ 100-ից ավել կանանց, մայրիկների, տատիկների ու դուստրերի հետ, ինձ համար այդ կանայք հավաքական «Սոսե մայրիկ» չեն, այլ շատ կոնկրետ մարդիկ իրենց տարբեր հոգսերով ու ցանկություններով:

Անդրադառնալով վարչապետի տիկին Աննա Հակոբյանի տեսաուղերձին, նա ասաց, որ Աննա Հակոբյանը խոսել է մի սոցիալական տեսաուղերձի մասին, որը տեսանելի չէ հանրային մակարդակում, բայց նկատելի է անձնական զրույցների ժամանակ:

«Այդ երևույթը մեկնաբանվում է հետևյալ կերպ՝ եթե մատնահարդարում ես անում, ուրեմն սիրտդ չի ցավում, եթե տունդ ու սանրվացքդ կոկիկ է, ուրեմն կեղծ է ցավդ, եթե ուզում ես երեխա ունենալ, ուրեմն կասկածելի սգավոր ես, եթե երաժշտությունը մի պահ ժպիտ է առաջացնում, որեմն դավաճանում ես որդուդ հիշատակը:Ինչի՞ համար են պետք վշտի ապացույցներ»:

Հիշեցնենք՝ վարչապետի տիկին Աննա Հակոբյանի՝ մարտի 26 ին կազմակերպած միջոցառումը, որը նվիրված էր կանանց մեկամսյակին, և որին ներկա էին եղել բոլոր ժամանակների Արցախյան պատերազմում անմահացած տղաների մայրեր, կանայք, քույրեր, տատիկներ, մի քանի օր է՝ շահարկումների տեղիք է տվել:

Ի պատասխան այդ քննադատությունների ու շահարկումների՝ որդեկորույս մայրերը շեշտել էին՝ միջոցառման միակ նպատակը այն էր, որ իրենք հասկանան՝ կյանքը շարունակվում է, ու պետք է ապրել, որպեսզի իրենց հետ ապրի նաև իրենց երեխաների հիշատակը. «Ոչ մի ծնող իր երեխային երբեք չի մոռանա ու չի կարող պարել նրան կորցնելուց հետո»,- ասել էին նրանք:

Համատարած աղմուկի ֆոնին Աննա Հակոբյանը ստիպված եղավ մեկ անգամ ևս անդրադառնալ կազմակերպված միջոցառման բուն նպատակին և ուղերձին՝ քննադատություններին պատասխանելով տեսանյութով: