Գվատեմալայի խորհրդարանի մոտ նախկին զինվորականների բողոքը վերածվել է անկարգությունների

Երեքշաբթի օրը Գվատեմալայի մայրաքաղաքում Կոնգրեսի պատերից դուրս կազմակերպված բողոքի ցույցը ավարտվել է անկարգություններով և բախումներով ոստիկանության հետ: Այս մասին հայտնում է Prensa Libre թերթը։

Ըստ աղբյուրի՝ ցուցարարները կարողացել են ներխուժել բարձրագույն օրենսդիր մարմնի շենք, որտեղ կոտրել են ապակիները և դռները: Պատգամավորների մեջ զոհերի մասին տեղեկություն չկա: Ոստիկանության աշխատակիցները ստիպված են եղել արցունքաբեր գազ օգտագործել ցուցարարներին ցրելու համար:

Վետերանները պահանջում են ընդունել օրենք, որը նրանցից յուրաքանչյուրին թույլ կտա հանրապետությունում ներքին զինված հակամարտության ժամանակ ծառայության համար 120 հազար քվետալ ստանալ (մոտ 15,5 հազար դոլար): Ըստ բաց աղբյուրների տվյալների, այդ միջոցների համար կարող է դիմել շուրջ 95 հազար մարդ: