Ալլա Պուգաչովայի թոռանը՝ Նիկիտա Պրեսնյակովին, մոբիլիզացրել են հենց մոսկովյան թատրոնից

Ալլա Պուգաչովայի թոռը՝ Նիկիտա Պրեսնյակովը, մոբիլիզացվել է հենց Մոսկվայի «Գուբերնսկի» թատրոնից։ Այս մասին հաղորդում է մշակութային հաստատության մամուլի ծառայությունը:

Երգչի ներկայացուցիչների կողմից դեռ պաշտոնական մեկնաբանություն չկա։ Մոսկվայի նահանգային թատրոնի PR տնօրենը հրաժարվել է խոսել լրագրողների հետ։Այս մասին տեղեկանում է Shantnews.am-ը:

Այս տարի Նիկիտա Պրեսնյակովը դարձավ 31 տարեկան։ Նրա գրեթե բոլոր հարազատները հայտնի դեմքեր են։ Մայրը երգչուհի Քրիստինա Օրբակայտեն է, հայրը՝ երգիչ Վլադիմիր Պրեսնյակովը, տատը՝ ԽՍՀՄ ժողովրդական արտիստ Ալլա Պուգաչովան։

Հայտնի է, որ սեպտեմբերի 29-ին Պրիմադոննան երեխաների հետ լքել է Ռուսաստանը և կրկին մեկնել է Իսրայել։ Մինչ այդ երգչուհին վերցրել է մոսկովյան դպրոցից երեխաների փաստաթղթերը և վաճառքի հանել Գրյազ գյուղում գտնվող առանձնատունը։

Հանրային լրատվական ծառայությունն ավելի վաղ գրել էր, որ երգչուհի Ալլա Պուգաչովան կապվել է Իսրայելից և շատ զգացմունքային արձագանքել բոլոր նրանց, ովքեր «ատում են» նրան: Երգչուհու խոսքերով՝ ինքը ուրախ է, որ իրեն չեն սիրում մարդիկ, որոնց նա «միշտ տանել չի կարողացել»։