Զելենսկին չի մասնակցի Սաուդյան Արաբիայում ԱՄՆ-ի հետ բանակցություններին
Ուկրաինայի նախագահ Վլադիմիր Զելենսկին չի մասնակցի մարտի 11-ին Սաուդյան Արաբիայում կայանալիք ԱՄՆ ներկայացուցիչների հետ հանդիպմանը:
Այս մասին հայտարարել է Զելենսկին:
Ուկրաինական պատվիրակության կազմում կլինեն նրա գրասենյակի ղեկավար Անդրեյ Էրմակը, արտգործնախարար Անդրեյ Սիբիգան և պաշտպանության նախարարության ղեկավար Ռուստեմ Ումերովը։
«Հաջորդ շաբաթը կսկսեմ այցով Սաուդյան Արաբիա, ուկրաինական դիվանագիտական և ռազմական ներկայացուցիչները կմնան երեքշաբթի օրը՝ հանդիպելու ամերիկյան թիմի հետ»,-ասել է նա։
Զելենսկին ավելի վաղ հայտարարել էր Սաուդյան Արաբիա այցի մասին, որտեղ ծրագրված է բանակցություններ վարել թագաժառանգ արքայազն Մուհամմեդ բեն Սալման Ալ Սաուդի հետ։
Կարծիքներ