freenews.am-ը կբացահայտի համացանցի «Ֆեյքերին»

Վերջին տարիներին  «Ֆեյսբուք» սոցիալական ցանցը, կարծես, կորցրել է իր սկզբնական նշանակությունը:  Եթե նախկինում, սա շփվելու, նոր ծանոթություններ ձեռք բերելու եւ լրահոսին հետեւելու հարթակ էր, ապա այսօր տեղեկացված լինելու համար պետք է նաեւ կարողանալ պարզել, տեղեկատվության աղբյուր հանդիսացող օգտատերերի եւ էջերի իսկությունն ու արժանահավատությունը:

Գոյություն չունեցող, բայց սահուն կերպով ընկերներիդ ցուցակում հայտնված՝ համացանցից բեռնած այլ անձանց նկարներով օգտատերերը, որոնք նաեւ կոչվում են ֆեյքեր, բացվում են տարատեսակ շահարկումներ իրականացնելու, մթնոլորտը պղտորելու, մարդկանց մոլորեցնելու, ապատեղեկատվություն տարածելու եւ այլնի համար:

Հաճախ, համացանցի  այս  «օգտատերերը» իրենց պատվիրատուներից «հոնորարներ» ստանալով փորձում են երկրի համար ճակատագրական պահերին  շեղել հասարակության ուշադրությունը կարեւոր հարցերից:  Սակայն այս «օգտատերերը» մի կարեւոր փաստ դեռ չեն հասկացել՝ եթե իրենք կարողանում են համացանցում որոշակի աշխատանք իրականացնել, նույն համացանցում կան բազմաթիվ  առավել պրոֆեսիոնալ մասնագետներ, որոնք նրանց բացահայտում են շատ արագ եւ տեղեկացնում հասարակությանը:

Եվ այսպես, մենք դիմել ենք նման մասնագետներից մեկի օգնությանը եւ այսուհետ հրապարակելու ենք «վառված» ֆեյքերի էջերի նկարները, որպեսզի մեր հետեւորնդերը կարողնան ֆիլտրել իրենց վիրտուալ ընկերներին եւ զերծ մնալ ապատեղեկատվությունից:

Նշենք, որ freenews.am-ը դիմում է նաեւ Ձեզ՝ մեր սիրելի ընթերցողներ, խնդրելով մեր ֆեյսբուքյան պաշտոնական էջին ուղարկել Ձեր կարծիքով կասկածելի օգտատերերին, որոնց մենք կստուգենք եւ համոզվելու դեպքում, որ դրանք իսկապես ֆեյք են, կհրապարակենք մեր հետագա նյութերում: Հարկ է շեշտել, որ կհրապարակվեն ցանկացած քաղաքական հայացքներ ունեցող ֆեյքերի էջեր:

Ահավասիկ արդեն բացահայտված ֆեյքերից մի քանիսը…