Եգիպտոսի դատարանը ցմահ ազատազրկման է դատապարտել ինը մարդու՝ ԻՊ-ի հետ կապերի համար
Եգիպտոսի պետական անվտանգության գերագույն դատարանը կիրակի օրը ինը մարդու ցմահ ազատազրկման է դատապարտել «Իսլամական պետություն» ահաբեկչական խմբավորման հետ կապերի համար: Այս մասին հայտնում է ՏԱՍՍ-ը՝ հղում անելով եգիպտական MENA լրատվական գործակալությանը։
Գործով եւս երեք մեղադրյալ ստացել է 10 տարվա ազատազրկման խիստ ռեժիմի բանտում։ Դատախազները պարզել են, որ 2013 թվականից մինչև 2017 թվականի հունվար ընկած ժամանակահատվածում մեղադրյալներից մեկը ստեղծել և ղեկավարել է ԻՊ-ի հետ կապված տեղական բջիջ՝ նպատակ ունենալով սպառնալ սոցիալական կարգին և խաթարել նրա անվտանգությունը: Մնացածներին մեղադրանք է առաջադրվել այն բանի համար, որ նրանք միացել են դրան և միևնույն ժամանակ տեղյակ են եղել խմբի իրական նպատակներին։
Վերջին տարիներին Եգիպտոսի դատական համակարգը տասնյակ դաժան դատավճիռներ է կայացրել, այդ թվում՝ մահապատժի, ինչպես «Մուսուլման եղբայրներ» իսլամիստական ասոցիացիայի առաջնորդների և աջակիցների, այնպես էլ տարբեր զինյալների, այդ թվում՝ գրոհայինների փոքր բջիջների նկատմամբ: Դրանցից մի քանիսն արդեն իրականացվել են։
Կարծիքներ