Հրշեջները մարել են Երևանի Իսակովի պողոտայում գտնվող կահույքի խանութի տանիքում բռնկված հրդեհը

Հրշեջ-փրկարարները հունվարի 23-ի է ժամը 17։01-ին մեկուսացրել են Երևանի Իսակովի պողոտայում գտնվող կահույքի խանութի տանիքում բռնկված հրդեհը, մարել՝ 17։36-ին։Այս մասին հայտնում են ՀՀ արտակարգ իրավիճակների նախարարությունից։

Ավելի վաղ ՀՀ ԱԻՆ-ից հայտնել էին. «Հունվարի 23-ին, ժամը 15:24-ին Ճգնաժամային կառավարման ազզգային կենտրոն ահազանգ է ստացվել, որ հրդեհ է բռնկվել Երևանի Իսակովի 29/2 հասցեի դիմաց գտնվող կահույքի խանութի տանիքում:

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ խումբը և Ճգնաժամային կառավարման ազգային կենտրոնի օպերատիվ խումբը»: