Դիտակ-Արևշատ ճանապարհին բախվել են «ՎԱԶ 2121»-ը և «Օպել»-ը․ անչափահաս երեխան տեղափոխվել է հիվանդանոց
Այսօր՝ օգոստոսի 19-ին, ավտովթար է տեղի ունեցել Արարատի մարզում․ ժամը 19:20-ի սահմաններում Դիտակ-Արևշատ գյուղամիջյան ճանապարհի 2-րդ կմ հատվածում բախվել են «Opel» և «ՎԱԶ 2121» մակնիշի ավտոմեքենաները։
Shamshyan.com-ի հաղորդմամբ՝ վթարի հետևանքով 1 հոգի՝ անչափահաս, տեղափոխվել է «Արտաշատ» բժշկական կենտրոն։
Բախման հետևանքով «Opel»-ը դուրս է եկել երթևեկելի գոտուց և կողաշրջված հայտնվել դաշտում։
Վթարի փաստով քննչական վարչությունում նախաձեռնվել է քրեական վարույթ, որտեղ էլ պարզում են վարորդների և վիրավորի ինքնությունը։
«ՎԱԶ 2121»-ը հաշվառված է «Վեոլիա ջուր» ընկերության հաշվեկշռում։
Կարծիքներ