Գիտնականները Անտարկտիդայի սառցադաշտի տակ տարօրինակ կենդանիներ են գտել

Անտարկտիդայի սառույցների մեջ նախկինում անհայտ կենդանիներ են բնակվում, պարզել են Բրիտանական անտարկտիկական ծառայության մասնագետները, հայտնում է Frontiers in Marine Science-ը:

Գիտնականները հետազոտության ժամանակ Արեւմտյան Անտարկտիդայում տեղակայված Ֆիլխների շելֆային սառցադաշտում 8 հորատում են կատարել: Երբ խցիկն իջեցվել է հորի հատակ՝ ափի գծից 260 կմ հեռավորությամբ, 1233 մետր խորությամբ, 890 մետր սառույցի շերտի տակ հետազոտողներն անշարժ կենդանիների են հայտնաբերել, որոնք նման էին Porifera-ներին. դրանք բոլոր կողմերից կպած էին հատակի գլաքարերին: Դրանց թվում կար մեկ ցողունավոր Porifera, 15 այլ ձեւերի եւ 22 առայժմ չնույնականացված կենդանիներ:

Նախկինում կարծում էին, որ սառցադաշտերի տակ՝ ցրտի եւ ականակիր խավարի մեջ կարող են գոյություն ունենալ միայն փոքրիկ եւ շարժուն օրգանիզմներ՝ որդեր, մեդուզաներ, կրիլ, որոշ ձկներ: Դեռ հայտնի չէ, թե Porifera-ներն ինչպես են հայտնվել այնտեղ, որքան երկար ժամանակ են այնտեղ գտնվում, ինչով են սնվում, նրանց շարքում արդյոք նոր տեսակներ կան: Այդպիսի պայմաններում ֆոտոսինթեզն անհնարին է. նրանք, հավանաբար, սննդարար նյութերը ստանում են շուրջը եղած բակտերիաների քեմոսինթեզի միջոցով: Ավելի ճշգրիտ տվյալների համար անհրաժեշտ կլինեն ավելի մանրակրկիտ հետազոտություններ. գիտնականներն առայժմ ստիպված են բավարարվել գերազանցապես նկարահանման պատկերներով: