Մայր Աթոռը հայտարարել է՝ Տեր Թադեի հարցը կարգապահական հարցերի հանձնախմբի օրակարգում է
Թալինի Կաթողիկե Սուրբ Աստվածածին եկեղեցու հոգևոր հովիվ Տեր Թադեի հարցը Մայր Աթոռի կարգապահական հարցերի հանձնախմբի օրակարգում է:
Այս մասին հայտնել են Մայր Աթոռից:
Հիշեցնենք՝ Տեր Թադեն կոչ էր արել նախորդ 2 կիրակիները մասնակցել Հովհաննավանքում տեղի ունեցած պատարագներին, որոնք մատուցել է Գարեգին Բ-ի կողմից կարգալույծ հռչակված Տեր Արամ քահանան: Վերջինս չի ընդունում կարգալուծության որոշումը:
Տեր Թադեն նաև հրապարակային պաշտպանել է Տեր Արամին ու հայտնել, որ եկեղեցու սպասավորներից շատերը լռում են կարգալուծության պատժի վախից, երբեմն՝ չհասկացվելու և միայնակ մնալու մտահոգությունից:
ՀՀ վարչապետ Նիկոլ Փաշինյանը հայտնել է, որ հաջորդ կիրակի օրը Թալինի Սուրբ Աստվածածին եկեղեցում կմասնակցի Տեր Թադե Թախմազյանի ձեռամբ մատուցվող սուրբ և անմահ պատարագին:
Կարծիքներ