Ռոման խոշոր հաշվով հաղթեց Զարյային, Մխիթարյանը մասնակցեց խաղին

Ռոման խոշոր հաշվով հաղթեց Զարյային, Մխիթարյանը մասնակցեց խաղին

Կոնֆերենցիաների լիգայի խմբային փուլի 5-րդ տուրում «Ռոման» ընդունել էր Լուգանսկի «Զարյային» ու 4 անպատասխան գնդակ ուղարկեց նրա դարպասը։ Այս մասին գրում է Armsport-ը։

Հանդիպման հաշիվը 15-րդ րոպեին բացեց Կարլես Պերեսը, իսկ 33-ին Նիկոլո Ձանիոլոն կրկնապատկեց այն։ Առաջին կեսի ավարտից 4 րոպե առաջ մրցավարը 11-մետրանոց նշանակեց հյուրերի դարպասին, սակայն գնդակին մոտեցած Վերետուն վրիպեց։

Երկրորդ կեսի հենց մեկնարկում իր թիմի 3-րդ գնդակը խփեց Աբրահամը, իսկ 75-րդ րոպեին դրեց հանդիպման վերջակետը։

Հայաստանի ազգային հավաքականի կիսապաշտպան Հենրիխ Մխիթարյանը հռոմեացիների մեկնարկային կազմում էր և փոխրինվեց 79-րդ րոպեին։

Այս տուրից հետո «Ռոման» 10 միավորով C խմբի 2-րդ տեղում է։