Coronavirus աշխարհում. Ամեն օր արձանագրվում է ռեկորդային թվով դեպքեր։ Նոր կարանտինի դեպքում արդյո՞ք կփակվի Բրիտանիան

Ըստ Առողջապահության համաշխարհային կազմակերպության  տվյալների, աշխարհում վերջին 24 ժամվա ընթացքում կորոնավիրուսով վարակակիրների թիվը աճել է գրեթե 260․ հազարով,  սա համավարակի բռնկումից  ի վեր համարվում է ամենաբարձր ցուցանիշը։

Սա առաջին դեպքն է երբ ԱՀԿ-ի կողմից հրպարակված նոր դեպքերի քանակը մեկ օրվա ընթացքում գերազանցել է մեկ քառորդը:

Coronavirus- ի վիճակագրությունը աշխարհում․   

Վիճակագրությունն աշխարհում, ըստ երկրների․ 

Ամբողջ աշխարհում կորոնավիրուսով վարակվածների ընդհանուր թիվը գերազանցել է 600 հազարը: Նրանց գրեթե մեկ քառորդն ապրում  է Միացյալ Նահանգներում:

Մինչդեռ ԱՄՆ Նախագահ Դոնալդ  Թրամփը պնդում է, որ ԱՄՆ- ունի Covid-19- ով մահացածների ամենացածր ցուցանիշն աշխարհում, չնայած  նրան, որ հիվանդությունից մահացությունների ընդհանուր թիվը գերազանցել է 140 հազարը: Fox News- ին տված հարցազրույցում Թրամփը հրաժարվել է ընդունել Հոփկինսի համալսարանի հրապարակած  տվյալները, ինչը ակնհայտորեն հակասում է նախագահի հայտարարությանը։

Համաճարակային կենտրոն- Ֆլորիդա․

Թրամփը նշել է, որ Միացյալ Նահանգներում դեպքերի թիվն աճել է, քանի որ սկսվել է զանգվածային թեստավորումը։ Նա նաև ասել է, որ նոր վարակվածների մեծ մասը երիտասարդներ են, ովքեր արագ կապաքինվեն: ԱՄՆ-ում Covid-19- ի ամենաուժեղ բռնկումները  նկատվում են հարավային նահանգներում, որտեղ երկար ժամանակ  հրաժարվում էին  կարանտին հայտարարել և դիմակ կրել։   

Այդ  նահանգներն են՝ Ֆլորիդան, Տեխասը և Արիզոնան:

Ֆլորիդան ներկայումս Միացյալ Նահանգներում համաճարակի կենտրոնն է, որտեղ վարակվել է ավելի քան 337 հազար մարդ  և արձանագրվել է ավելի քան 5 հազար մահ: Մայամիի որոշ հատվածներում սահմանվել են պարետային ժամ. Մարդկանց չի թույլատրվում ժամը 20: 00-ից հետո հայտնվել զբոսաշրջային վայրերում:

Ջոն  Հոփկինսի համալսարանի տվյալներով աշխարհում համաճարակի սկզբից ի վեր մինչ օրս 14,3 միլիոն մարդ է վարակվել կորոնավիրուսով: Վարակի նոր օջախների մեծ մասը գտնվում են ԱՄՆ-ում, Բրազիլիայում, Հնդկաստանում և Հարավային Աֆրիկայում: Ամբողջ աշխարհում, վերջին օրվա ընթացքում «Կովիդ -19» -ից մահացել է  7360 մարդ. Սա մայիսի 10-ից ի վեր ամենաբարձր  ցուցանիշն է:

ԵՄ կողմից առաջարկվող  տնտեսական առողջացման ծրագրերը.

Կորոնավիրուսի համաճարակի պատճառով տուժած ԵՄ երկրների տնտեսությունների առողջացմանն ուղղված բանակցությունները,  դեռ արդյունքներ չեն տալիս։ Համաճարակի բռնկումից  ի վեր առաջին անգամ եվրոպական առաջնորդները անձամբ են մասնակցում գագաթնաժողովին,  իսկ մինչ այդ նրանք հանդիպել են միայն տեսակապի  միջոցով:  

Գագաթնաժողովի հաջողության վերաբերյալ կասկածներ է հայտնել, մասնավորապես՝ Գերմանիայի կանցլեր Անգելա Մերկելը: Իտալիայի վարչապետ Ջուզեպպե Կոնտեն կարծում է, որ բանակցությունները փակուղի են մտել, իսկ Ավստրիայի կանցլեր Սեբաստիան Կուրցն ասել է, որ դրանք ընթանում են ճիշտ ուղղությամբ: Հյուսիսատլանտյան դաշինքի այնպիսի երկրներ, ինչպիսիք են Նիդեռլանդները և Շվեդիան, պնդում են, որ քննարկվող 750 միլիարդ եվրո փաթեթը պետք է լինի վարկի տեսքով, այլ ոչ թե դրամաշնորհների: Մինչդեռ, Եվրոպական Կենտրոնական բանկի նախագահ Քրիստին Լագարդը «Ռոյթերս» գործակալությանը տված հարցազրույցում ասել է, որ բանակցությունների համար կարող է ավելի շատ ժամանակ ծախսվել, բայց գլխավորն այն է, որ օգնության փաթեթը պետք է լինի «մասշտաբային և հավակնոտ»:

Կորոնավիրոով պայմանավորված. արդյո՞ք Բրիտանիան կփակվի․

Մեծ Բրիտանիայի վարչապետ Բորիս Ջոնսոնը հայտարարել է, որ չի ցանկանա ևս մեկ կարանտին հայտարարել երկրում ՝ «Կովիդ -19» նոր ալիքի դեպքում: Ավելի վաղ Բորիս Ջոնսոնը հայտարարել էր, որ երկրում կյանքը Սուրբ Ծնունդով քիչ թե շատ կվերադառնա բնականոն հունի: Կառավարությունը տեղական իշխանություններին հնարավորություն է տվել տեղում սահմանել կարանտինային միջոցառումներ՝ նոր բռնկումները զսպելու համար: Տեղական իշխանությունները իրավունք ունեն դադարեցնել առևտուրը, չեղարկել իրադարձությունները, փակել զբոսայգիները և հասարակական այլ վայրեր: Միևնույն ժամանակ, համաճարակաբանները չեն կիսում վարչապետի այս լավատեսությունը: Բրիտանիայի կառավարության գլխավոր գիտական ​​խորհրդատու Պատրիկ Վալանսը հայտարարել է, որ ձմռանը երկիրը ավելի լուրջ դժվարությունների առաջ կկանգնի, հնարավոր է անհրաժեշտություն առաջանա երկրում դարձյալ կարնտին հայտարարելու։ Երեքշաբթի օրը հրապարակված զեկույցի համաձայն ՝ գալիք ձմռանը Բրիտանիայում կորոնավիրուի երկրորդ ալիքին կարող է զոհ գնալ  մոտ 120 –ից մինչև 250 հազար մարդ, եթե համաճարակը զարգանա ամենավատ սցենարի համաձայն:

Բրիտանական ոստիկանությունը չի կարողացել ցրել բացօթյա երեկույթը:

Կիրակի օրը բրիտանական ոստիկանությունը հայտնել է, որ նրանք ի վիճակի չեն ցրել անօրինական  երեկույթը, որը սկսվել է շաբաթ օրը և ավարտվել կիրակի գիշերը: Մասնակիցների թիվը գերազանցել է 3 հազարը։ Աղմուկը, որը, ըստ ոմանց, հասնում էր Բրիստոլ (և այս քաղաքից մինչև խնջույքի վայր ավելի քան 20 կմ է), հարևան շատ քաղաքների բնակիչները սկսել են բողոքել: Ավոնի և Սոմերսեթի նահանգի ոստիկանությունը հայտնել է, որ ոստիկանությունը դեպքի վայր է ժամանել անմիջապես այն բանից հետո, երբ ազդանշան է ստացել, որ այնտեղ շատ մարդիկ են հավաքվել, բայց ի վիճակի չեն որևէ գործողություն կատարել:

«Մենք ոչինչ չէինք կարող անել ... անվտանգության նկատառումներից ելնելով, ներկաներն իրենք էին զվարճանում, որոնցից շատերն արդեն հարբած էին կամ գտնվում էին թմրանյութերի ազդեցության տակ», - ասել է ոստիկանության բաժնի պետ Իան Ուիլեյը: Նա նաև խոստացել է  հետաքննել կատարվածը:

Ուրիշ  Էլ ին՞չ է կատարվում աշխարհում:

Չնայած այն հանգամանքին, որ աշխարհում կորոնավիրուսով հաստատված դեպքերի թվով Հնդկաստանը արդեն երրորդ տեղում է, այս երկրում վարակվածների թիվը դեռ չի նվազել, զգուշացնում են գիտնականները։ Մեկ օրվա ընթացքում այստեղ գրանցվել է մոտ 35 հազար նոր վարակի դեպքեր և 670 մահվան դեպքեր, որոնք դարձյալ կապված են կորոնավիրուսի հետ:

Մեծ մասամբ արևմտյան Եվրոպայի երկրներին հաջողվում է վերահսկողության տակ պահել վիրուսի տարածումը: Նրանք շարունակում են բացել սահմանները և վերսկսել բիզնեսը: Այնուամենայնիվ, Իսպանիայում կան տեղայնացված բռնկումներ, որոնցից ամենաուժեղը երկրի հյուսիսում է, Կատալոնիայում: Այս շրջանում օրական գրանցվում է ավելի քան 1000 նոր դեպք: Բարսելոնայի և շրջակա տարածքների ավելի քան չորս միլիոն բնակչից  պահանջվում է 15 օր տանը մնալ: